ഇടനിലക്കാരന്‍

ഇടനിലക്കാരന്‍ ......
പ്രണയം തോന്നിയപ്പോള്‍ ദൂതനായി,
ചിലത് സ്വന്തമാക്കാന്‍ കൊതിച്ചപ്പോള്‍ -
കറുത്ത ബാഗുള്ള ബ്രോക്കറായ്,
ഭാവി സുരക്ഷിതമാക്കാന്‍ -
'ഏജന്ടു'മാരായി,
കാമാക്കൊതി തീര്‍ക്കാന്‍ -
കൂട്ടി കൊടുപ്പ് കാരനായി,
ദൈവാനുഗ്രഹം ലഭിക്കാന്‍
പുരോഹിതരായി...
അറിയാന്‍ ആഗ്രഹിച്ചപ്പോള്‍
അധ്യാപകനായി ...

ഇതില്‍ ആരാണ് -
പ്രത്യുപകാരം പ്രതീക്ഷിക്കാത്ത -
സ്നേഹത്തിന്‍റെ ഗന്ധമുള്ള -
ഇടനിലക്കാരന്‍ ??

ശാസ്ത്ര ചിന്ത

കാലമെത്ര കഴിഞ്ഞിട്ടും ഒറ്റ ഗ്രന്ഥത്തില്‍
അടയിരിക്കുന്നു മത-വിശ്വാസം.
അന്ന് പറഞ്ഞതിനപ്പുറം ഇനി -
ഒന്നുമില്ലെന്ന്‍ പറയുന്നു, ചോദ്യം-
ചെയ്യലിഷ്ടപ്പെടാത്ത 'മത-വിശ്വാസം' 
..................................
ചോദ്യം ചെയ്യപ്പെടാന്‍ കാത്തിരിക്കുന്നു,
എന്നുമെന്നും പുതിയതോതാന്‍
കൊതിക്കുന്ന ശാസ്ത്ര ബോധം.
ദിനം പ്രതി എത്ര ഗ്രന്ഥങ്ങള്‍
ശാസ്ത്രത്തിന്‍റെ സന്തതികളാകുന്നു...

ശാസ്ത്ര ചിന്തയുടെ ഗുണം പേറാതെ
ഒരു ദിനം തള്ളി നീക്കാനൊക്കില്ല എങ്കില്‍
ആ ചിന്തക്ക് നേരെ കണ്ണടപ്പതെന്തിനു നീ...

കണ്ണാടി പ്രതിഷ്ഠ

കണ്ണാടി പ്രതിഷ്ഠ നടത്തി
ആ ഗുരു പറഞ്ഞു :
നീ നിന്നെ കണ്ടെത്തു

ശിഷ്യര്‍ ആ കണ്ണാടിയുടെ 
വെള്ളി മാന്തിയെടുത്ത്
ഗുരുവിന്‍റെ പ്രതിമയില്‍
പൂശി അത് വിഗ്രഹമാക്കി

വെള്ളി നഷ്ടപ്പെട്ട ചില്ലെടുത്ത്
കൂടുണ്ടാക്കി
വിഗ്രഹം
അതിനുള്ളില്‍ പ്രതിഷ്ടിച്ചു..

വാളാണ് തെറ്റ്

കയ്യിലൊരു വാളും പരിചയു മേന്തി ഞാന്‍ 
ശരിതേടി ഉലക യാത്ര ചെയ്തു..
തെറ്റെന്നു കണ്ടതപ്പോള്‍ തടഞ്ഞു ഞാന്‍ 
വാള്‍ കൊണ്ടു വെട്ടി താഴെയിട്ടു .... 
..........................................................
..........................................................
വിശ്വം ജയിച്ചു തിരികെ നടക്കുമ്പോള്‍
കണ്ടു ഞാന്‍ വീഥിയില്‍, ഭീതിയാല്‍ എന്നെ
നോക്കും ഒരായിരം കണ്ണുകള്‍ ....
...........................................................
കലങ്ങിയ കണ്ണുകളെ ന്നോടു ചൊന്നു ....
നിന്‍ നിണം പറ്റിയ വാളാണ് തെറ്റ്!!!!

ഇഹലോക

മുന്‍ജന്മ പാപം പേറി ഞാന്‍
കുരുടനായ്, മുടന്തനായ്,
ഒട്ടിയ വയറിന്‍റെ ഉടമയുമായ്..

പരലോക സ്വര്‍ഗ്ഗം പൂകുവാന്‍ 
കല്ലിലും, മുള്ളിലും, ചവിട്ടി-
നടക്കുന്നു സര്‍വ്വം സഹനായ്..

മുന്‍ജന്മ, പിന്‍ജന്മ, പരലോക
കാലമേ !!! എവിടെ നീ ..
'ഇഹലോക' എനിക്കൊന്ന്‍ കാണുവാന്‍ ???

പ്രണയം

മഴ കൊണ്ടുവന്ന പ്രണയം
.............................

................................
..........................
വെയില്‍ കൊണ്ടുപോയി !!!

ഒരു ജാതി ഒരു മതം ഒരു ദൈവം ഒരാള്‍ക്ക്...

തിരുത്ത്
ഒരു ജാതി ഒരു മതം ഒരു ദൈവം ഒരാള്‍ക്ക്...
നീ നിന്‍റെ ജാതിയെയും, മതത്തെയും, ദൈവത്തെയും ആരാധിച്ചു കൊള്ളുക
ഞാന്‍ എന്‍റെ ജാതിയെയും മതത്തെയും, ദൈവത്തെയും ആരാധിക്കട്ടെ

ചിലപ്പോള്‍ നീ ചിന്തിക്കും എന്‍റെ ദൈവവും നിന്‍റെ ദൈവവും ഒന്നാണെന്ന്
സംശയം വേണ്ടേ.. വേണ്ട അത് ഒന്നല്ല ..
എന്‍റെ ഭാവനയും നിന്‍റെ ഭാവനയും എത്ര വ്യത്യാസപ്പെട്ടിരിക്കുന്നോ
അത്രയും അതും വ്യത്യാസപ്പെട്ടിരിക്കുന്നു.

നീ നിന്‍റെ മക്കളോടോ, മാതാപിതാക്കളോടോ, സഹോദരങ്ങളോടോ
സംസാരിച്ചു നോക്കൂ .. അപ്പോള്‍ മനസ്സിലാകും ...
നിന്‍റെ ദൈവവും അവരുടെ ദൈവവും വ്യത്യാസപ്പെട്ടിരിക്കുന്നു എന്ന്.
പിന്നെ എന്തിന്നാണ് ഈ ഐക്യപ്പെടല്‍ ?????

അത്

ധനികന് അധികാരത്തിനു വേണ്ടിയും ...
ദരിദ്രന് ആശ്വാസത്തിന് വേണ്ടിയുമുള്ളതാണ് ....

ഞാന്‍ പറയുന്നു..

ഓരോരുത്തര്‍ക്കും ഓരോ ദൈവവും, മതവും ആണ് ഉള്ളത് എന്ന്‍ തിരിച്ചറിയുക...
ഞങ്ങളുടെ മതം, ഞങ്ങളുടെ ദൈവം എന്നത് മാറ്റി എന്‍റെ ദൈവം , എന്‍റെ മതം, നിന്‍റെ ദൈവം, നിന്‍റെ മതം എന്നായാല്‍ എന്താണ് കുഴപ്പം.

ഞാന്‍ എന്‍റെ മാത്രം ദൈവത്തോടൊപ്പം....

ഇത് മതത്തിലും, ദൈവത്തിലുമുള്ള പുതിയ സ്വാതത്ര്യം!!!!